Li parêzgeha Rihayê ya Kurdistana Tirkiyê 36 koçberên ji 4 welatan û herwiha 7 qaçaxçî hatin desteserkirin.

Li gor medyaya Tirkiyê, tîmên Rêveberiya Ewlekariya Rihayê, di çarçoveya rêgirîkirina koçberan, operasyonek pêk anîn.

Di operasyonê de bi hinceta veguhistina koçberan ji rojhilat û başûrê rojhilatê Tirkiyê bo bajarên rojavayê vî welatî 7 kes hatin desteserkirin.

Herwiha di operasyonê de 36 koçberên Efxan, Pakistanî, Iraqî û Sûrî jî hatine desteserkirin.

Heft kesên qaçaxçî piştî temambûna karê wergirtina îfadeyên wan li Rêveberiya Ewlekariya Rihayê, ew birin Dadgeha Rihayê. Herwiha 36 koçber jî bo Îdareya Koçê ya Rihayê hatin radestkirin.