Di encama teqîna îro li Amedê de heta niha 10 kes birîndar bûne
Îro li navçeya sêyem a pîşesaziyê ya bajarê kurdî yê Amedê li Tirkiyê teqînek çê bû û li gor agahiyên destpêkê heta niha 10 birîndarê teqînê rakirine nexweşxanan.
Hejmareke zêde ya polîs, tîmên hawarçûna bilez, agirkuj û AFAD gihîştine cihê bûyerê û polîsan cihên nêzîkî teqînê dorpêç kirine.
Li nêzîk cihê teqînê herwiha girseyeke qelebalix kom bûne.
Rûdawê ji Amedê ragihand, li gor agahiyên destpêkê teqîn di nava kargehekê de çê bûye û gelek kes birîndar bûne.
Parêzgarê Amedê Munîr Karaoglu ji ajansa fermî ya Tirkiyê re ragihandiye, li gor zanayriyên destpêkê 10 birîndarên teqînê bo nexweşxanan hatine veguhastin ku birîna 5 kesan giran e.
Di kêliyên destpêkê de behsa birîndarbûna 14 kesan hatibû kirin.
Parêzgarê Amedê herwiha diyar kir, Karaloglu, “Tîmên agirkujiyê, AFAD, UMKE û ekîbên tendirustiyê demildest destwerdan di bûyerê de kirin. Bûyer ji gelek aliyan ve tê lêkolînkirin. Teqîn ji ber tûpa pîşesaziyê çê bûye.”
Navçeya sêyem a pîşesaziyê ya bajarê Amedê dikeve navçeya Kayapinarê û li ser rêya Amed-Rihayê ye.
