SAHAR

Bi dehan milyon îranî îro jî her wekî 47 salên borî daketin kolanan û salroja serketina Şoreşa Îslamî pîroz kirin.

Gelê Îranê bi yekdengî  û di çarçoveya  hin duruşmeyan cinayetên çend deh salî yên Amerîkayê li dijî  gel û hikûmeta Îranê û her wiha  cinayetên  rejîma Siyonîst şemerzar kirin.

Beşdariya bi dehan milyonî ya  gel li serabserê Îranê di salvegera 47`emîn a serkeftina Şoreşa Îslamî de  îsal bicoştir û watedartir  ji salên borî bû, ji ber ku  di meha Çilleyê de komploya Siyonîst-Amerîkî ya ji bo operasyonên terorîstî yên meydanî -medyayî li dijî Şoreşa Îslamî ji hêla  gelê Îranê ve bi serokatiya  Ayetullah Xamineyî hate pûçkirin û gelê  seranserê Îranê ser vexwendina Rêberê Bilindqedir ê Şoreşa Îslamî daketin kolanan da ku piştgiriya xwe ji nizama Îslamî û vêzariya xwe ji dijminan nîşanî cîhanê bidin.

Axaftvanê taybet ê merasima 22`ê Behmenê li Tehranê jî Mesûd Pizişkiyan, Serokkomarê Îranê bû ku got: Divê cîhan îro bibîne ku gelê Îranê jibo parastina  şoreşa xwe  û îtaeta ji rêbertiya nizamê û berevaniya ji nirxan  û welatê xwe yê bi rûmet di rêzên milyonî li seranserê welêt daketin qadan.

Serokkomarê Îranê tekez kir: Ji roja ku Şoreşa Îslamî bi ser ket, mijara etnîkan alî, darbe û her cûre belayên ku  dikarîn anîn serê Îranê ku pêşiya geşatiya şoreşê bigrin.

Amerîka û welatên Ewropî hewl dan ku ev yek biqewime û şoreş li erdê bikeve. Wan heşt salan piştgirî da şerê dasepandî da ku Îranê  parçe parçe, dagir û işkest bidin. Pizişkiyan got em bi welatên cîran re têkiliyên dostane û biratî datînin û diyar kir: Ev fermana rêberê şoreşê ye.

Di liv û tevgerê ku dijmin  hewl dida  dijî me komployan bike an jî destdirêjiyê bi rê bixe her ev welatên îslamî bûn ku yek bi yek bi me re têkilî danîn û helwesta xwe ragehandin.

Serokkomarê Îranê bal kişand  ser vê yekê ku me li gorî helêwsta Rêberê bilindqedir rêya dîplomasiyê girtiye ber xwe û destnîşan kir: Em li dû çekên navokî nînin, lê dîwarê bilind ê bêbaweriyê ku Amerîka û Ewropa ava kirin nahêle ku gotûbêj bighîjin encamê.

Îran li himber zêdexwaziya  wan teslîm nabe û li himber bêdadî û neheqiyan û destdirêjiyan paşde venekişe.

 Pizişkiyan tekez kir: Em bi hemû hêza xwe bi welatên navçeyê re jibo aşitî û aramniyê di halê gotûbêjê da ne. Pirsgirêkên navçeyê, welatên hema vê navçeyê dikarin çarser bikin ne biyaniyên ku ji dûr ve tên.