Erdogan gotina "terorîstên siyasî" ji bo HDPê bikar anî
Serokkomarê Tirkiyê Receb Teyib Erdogan, rexneyên tund li aliyên opozisyonê girtin û ji bo HDPê jî gotina "terorîstên siyasî" bi kar anî.
Serokkomarê Tirkiyê Recep Tayyîp Erdogan beşdarî kanaleke taybet a Tirkiyê bû û ji bo HDPê gotina "terorîstê siyasî" bi kar anî.
Erdogan ji bo Partiya Demokratîk a Gelan (HDP) got “Ev avahiyeke ku ji exlaqê siyasî dûr e. Nûnerên wê li wir in. Birêz Kemal, Meral Xanim û yên pê re. HDP ne hêjayî gotinê ye ku terorîstên siyasî ne. Ev gel êdî nikarin van ragirin. Hêvîdar im ku di hilbijartinên 2023an de bi dayîna dersa pêwîst wan bişînin cihê ku jê hatine. Dema ku dibînin gel rûbîkenî nîşanî wan nade, hêrs dibin û ji hêrsê dîn dibin. Di siyasetê de tu exlaq û ast nehiştin.”
Serokomarê Tirkiyê di derbarê Serokê CHPê Kemal Kiliçdaroglu de jî got “Gelo ev îşareta destan li gorî serokekî ye? Parlamenta gel e millet e, banek pîroz e, divê hûn edeb bin. Ez halê birêz Kemal baş nabînim. Wê (Meral Akşener) hevsengiya xwe winda kir. Me li gotinên wî nihêrî, em ê bi wekîlê ku nifiran li xizmên şehîdan dike, çi bikin? Ew jî hevparê te ne.”
Erdogan hêrs bûn û tometbarkirinên xwe wiha berdewam kir “Ev bêhurmetî nayên paşguh kirin. Em ê bibin şopînerê bêhedên ku nifiran li xizmên şehîdan dikin û bedela herî giran bi wan bidin dayîn. Kesê ku ev tevger kiriye, cihê wî di parlementa Gaziyê de nîne. Ji bo xêra milet nikarin tiştekî bikin. Hêvîdar im sala 2023’an ji bo welatê me gelek bi xêr bibe. Qe nebe wê ji wan xilas bibin.”
