Demîrtaş: Dengderên HDPê hêza diyarkirina desthilatê ne
Hevserokê berê ê HDPê Selahattîn Demîrtaş gotarek bi navê "dengderên HDP çi dikin?" nivîsiye û dibêje, dengderên HDPê hêza diyarkirina desthilatê ne.
Selahattîn Demîrtaş go “herkes li ser wê xalê hevnerîn e ku dengderên HDP li kîjan alî bin ew alî bi ser dikeve, bi taybetî jî di hilbijartinên pêş de.”
Li gorî Demîrtaş, stratejiya dengderên HDP ew e ku di nava hevpeymaniyan de cî nagrin û ji ber vê jî herdû hevpeymanên desthilatê êrîşî ser wan dikin û tometa dixin stuyê wan.
Demîrtaş di gotara xwe de behsa guvaşên desthilatê li ser dengderên HDPê jî kiriye û nivîsî ye ku desthilat ji bo qaîmkirina cihê lingê xwe, hewla terorîzekirina HDPê dide.
Herwiha Demîrtaş dibêje, HDP û dengderên xwe daxwaza Tirkiyeke cîgir dikin, jîngeheke aram û demokrasiyeke berfereh û yeksan dikin.
Selahattîn Demîrtaş diyar kir ku ew nizane ka wê dengderên HDPê di hilbijartina pêş de çi bikin, lê dizane ku ew ê bi jîrî, mantiqî û wîjdan biryara xwe bidin.
