Li parêzgeha Erdexanê ya Tirkiyê berfeke zêde bariya û li hinek cihan trafîk rawestiya.

Li gorî nûçeya Rûdawê, Li navçeyên bilind ên parêzgeha Erdexanê berfeke zêde bariya. Ji ber berf û pûkê rêya Erdexan-Şavşat û Erdexan-Duxurê li hinek cihan trafîk rawestiya.

Bi taybetî li Geliyê Sahara gelek barhilgir ji ber berf û pûkê asê man. Li ser rêya Erdexan-Çildirê li gundê Olçakê jî barhilgirek qulibî.

Li aliyê din di 24-25 Îlonê de li parêzgeha Wanê ya Tirkiyê ji ber barana zêde li çend gundan lehî rabû û mal û dikanên xelkê di bin avê de man.