Artêşa Tirkiyê a ku gelek dever li bakura Iraqê dagir kirine gundên Minnê û Bankê yên dikevin ser bajarokê Batûfa topbaran kirin. Ji ber topbaranê cereyana her du gundan jî qût bû.

Êrişên dewleta Tirkiyê yên li ser Herêma Kurdistanê bê navber dewam dikin. Li gorî jêderên nûçeyan yên kurdan û Herêmê, artêşa Tirkiyê ji baregehên xwe yên di nava xaka Herêma Kurdistanê de, gundên Minnê û Bankê yên ser bi bajarokê Batufa ya ser bi Zaxo bi dijwarî topbaran kirin.

li gorî çavkaniyên hanê ji ber topbaranê agir bi herêmê ketiye, ziyanek mezin gihiştine xwezayê û ceyrana her du gundan jî qûtbûye