HDP: Kurdî divê zimanê perwerdehiyê be û hemî berbendên li ser riya çalakiyên têkildarî zimanê kurdî bên rakirin
May 15, 2021 20:47 Asia/Tehran
HDP tevî rêzgirtina 15ê Gulanê, Roja Zimanê Kurdî careka din daxwaza qanûnîbûna perwerdehiya bi vî zimanî kir.
Li gorî rapora Kurd Pressê, Partiya Demokratîk a Gelan (HDP) bi weşandina postekê li ser rûpelên xwe yên torên civakî, 15ê Gulanê Roja Zimanê Kurdî pîroz kir.
Partiya Demokratîk a Gelan (HDP) tevî pêgiriya li ser girîngiya parastina zimanê kurdî, nivîsiye: Parastina vî zimanê binirx erka me ye û bingeha têkoşîan me pêk tîne. Heta wê demê ku zimanê me azad nebe, nasname û bawer û hebûna me jî dê azad nebe. Zimanê kurdî wekî dareka mezin e ku koka wî di dîroka mirovahiyê da ye."
Alîgirên HDP û kurdên Tirkiyê jî bi weşandina van postan bi haştega #RoşanêKurdkîPîrozBo Roja Zimanê Kurdî pîroz kirin.
