Li peravên Gîneyê çekdaran dest danîn ser keştiyeke Tirkiyê
Li peravên welatê Gîneyê yê Rojavayê Afrîqayê çekdarên Nîjeryayî dest danîn ser keştiyeke Tirkiyê bi navê M/V Mozart. Li gor agahiyên destpêkê, endamekî tîmê keştîvanî hatiye kuştin û 15 kes jî hatine revandin.
Li peravên Gîneyê, 100 mîlên deryayê li bakurê rojavayê Sao Tome, çekdarên Nîjeryayî dest danîn ser keştiyeke Tirkiyê bi navê M/V Mozart.
Li gor zanyariyan keştiya Tirkiyê ji bajarê Lagos ê Gîneyê ber bi bajarê Cape Town ê Efrîqaya Başûr ketibû rê û tîmê wê ji 19 kesan pêk dihat.
Li gor agahiyên destpêkê, ji tîmê keştiya kompanyaya Tirkiyê ya bi navê Boden 15 kes hatine revandin.
Kaptanê 4emîn Furkan Yaren ragihand ku ji xeynî radarê hemû kablo hatine jêkirin û keştî li gor xwesteka çekdaran li ser rêya xwe berdewam e.
Yaren, herwiha da zanîn ku Kaptanê Duyem endazyar Farman Îsmayilov jî hatiye kuştin. Tê gotin çekdarên Nîjeryayî li benda wê yekê ne ku bo bazarê xeberek ji wan re were.
Serokkomarê Tirkiyê Recep Tayyip Erdogan jî du caran bi telefonê ligel kaptanê bi navê Furkan Yaren axivî û ragihand ku pêvajoyê ji nêzîk ve dişopînin û bo rizgarkirina tîms keştiyê ferman daye hemû aliyên peywendîdar.
