Tirkiye - Di tîrmehê de hezar û 505 şîrket ji ber qeyrana aborî hatin girtin
TOBB'ê rapora rewşa şîrketan aşkere kir û diyar kir ku di Tîrmehê de li gori meha berê ji sedî 35,34 kêm bûne û di Tîrmehê de Hezar û 505 şîrket hatine girtin.
Li gorî rapora ajansa nûçeyan a Mezopotamyayê (MA), Yekîtiya Borsayan û Odeyan a Tirkiyê (TOBB) rewşa şîrketan a meha Tîrmehê aşkere kir. TOBB'ê diyar kir ku di Tîrmehê de li gorî mehek berê hejmarên şîrketên hatine avakirin ji sedî 6,32 ye û 10 hezar û 202 şîrket hatine avakirin. TOBB'ê da zanîn ku di heman mehê de şîrketên hatine girtin, ji sedî 35,34 e û hejmara şîrketên hatine girtin Hezar û 505 e. Di meha Pûşmerê de jî Hezar û 112 şîrket hatibûn girtin. Li gorî daneyên TOBB'ê di Tîrmehê de bi giştî 10 hezar û 394 şîrket hatin avakirin, lê li aliyê din Hezar û 505 şîrket jî hatine girtin.
