Li Navçeya Qereqoçanê ya Xarpêtê (Elazîx) agir bi daristanê ket. Piştî agir bi daristanê ket, ji ber bayê zêde agir belav dibe.

Li gorî rapora ajansa nûçeyan a Mezopotamyayê (MA),  Li Gundên Uçbudak û Yogun Agaç ên Navçeya Qereqoçanê ya Xarpêtê (Elazîx) ji ber sedemek nehat zanîn agir bi daristanê ket. Hat fêrbûn ku ewil agir li nêzî Qereqola Cendirmeyan a Uçbudakê bi daristanê ketiye û belav bûye. Piştî agir bi daristanê ket, ji ber bayê zêde agir zû li herêmê belav bû. Di dîmen û wêneyên hatin kişandin jî nîşan dide ku agir belav dibe û didome. Piştî agir bi daristanê ket, 2 maşîneyên kar dora agir xet dikin û hewl didin şewata daristanê vemirînin. Welatiyên herêmê anîn ziman ku agirê 4 saet berê bi daristanê ket bi lez belav dibe. Welatiyan rayedar hişyar kirin û anîn ziman ku eger mudaxile neyê kirin dê agir bi gund bikeve.