Parlamenterê HDP’ê Omer Farûk Gergerlîoglû ji bo sazkirina Wezareta Ciwanan teklîfa qanûnê pêşkêşî Meclîsê kir.

Li gorî rapora roja Sêşemiyê (19ê Gulanê) ya Mezopotamyayê, Parlamenterê Partiya Demokratîk a Gelan (HDP) yê Kocaeliyê Omer Farûk Gergerlîoglû “Teklîfa Qanûna Rêxistina Wezareta Ciwanan û Derbarê Wezîfeyê Wan De” ya ji 29 xalan pêk tê pêşkîşî Serokatiya Meclîsê kir. Di teklîfê de hat bibîrxistin ji sedî 23’yê nifûsa Tirkiyê ji ciwanan pêk tê û divê hemû pêdivî û mafê ciwanan were naskirin û di rêza pêşî de were girtin.

Di teklîfê de tê destnîşankirin ku divê ciwan bi her awayî werin parastin û bi sazkirina vê wezaretê re dê hin tiştên xwe yên xweser bikin. Di teklîfê de tê gotin wê bi sazkirina vê wezaretê ciwan rastî mafê cudakariyê neyên û rêgeza wekheviyê pêk were. Di teklîfê de tê diyarkirin ku dê ev wezaret mafê hilbijartinê yên ciwanan bişopîne û dê ev wezaret daxistina temenê hilbijartinê heta 16 salî bişopîne. Di teklîfê de tê gotin ku heke ev wezaret saz bibe dê azadiya rêxistinkirinê jî têde hebe û wisa bixebite. Her wiha di teklîfê de bal kişandiye ser mafê xebat û perwerdehiya ciwanan.