Hêzên PKKê li Gabarê li dijî wesayîta zirxî ya Kobrayê çalakiyek li dar xistin. Di çalakiyê de wesayîta zirxî îmha bû û 5 leşkerên Tirkiyê mirin.

Navenda Ragihandin û Çapemeniyê ya PKK’ê diyar kir ku şervanên wê di navbera qada Dêrgulê û qereqola Girê Cotyar a Gebarê ya li Şirnexê wesayîteke zirxî ya Kobra şopandiye û di 27’ê Nîsanê de saet  12’an de ji nêz ve li vê wesayîtê dan û ew îmha kirin ku di encamê de 5 leşkerên di nav wesayîtê de mirine. Piştî çalakiyê artêşa Tirkiyê bi helîkopterên Skorsky leşkerên mirî ji qada çalakiyê derxistin.

PKKê dibêje yekîneya wê ya ku ev çalakî li dar xistiye, bi selametî vegeriyaye baregeha xwe.

PKKê herwiha di daxuyaniya xwe de diyar dike ku di 30’ê Nîsanê de  saet  02.30’an  balefirên şer ên artêşa Tirkiyê qada Saca ya Zapê ya li Herêma Kurdistanê bomberdûman kir.

Di 29’ê Nîsanê saet 23.00’an de jî balefirên şer qada Gundê Mêlê ya Zapê jî bomberdûman kir.

PKKê di vî halî de dibêje ku di van bomberdûmanan de tiştek bi hêzên wê nehatiye.