Wezîrê Tenduristîya Tirkîyê amarên di 24 sietên buhurî de yên têkildarî Koronayê li wî welatî ragihandin ku ligorî wan hejmara gorîyên Koronayê li Tirkîyê giheşte hezar û 403 kesî û ya tûşbûyîyan jî gihîşte 65 hezar û 111 kesan.

Fexredîn Koca Wezîrê Tenduristîya Tirkîyê di civîneke çapemenîyê de ragihand: di 24 sietên buhurî de 107 tûşbûyîyên Koronayê canê xwe ji dest dan û 4 hezar û 62 tûşbûyîyên nû hatin tomarkirinê. Bi vî awayî hejmara gorîyên Koronayê li Tirkîyê giheşte hezar û 403 kesî û ya tûşbûyîyan jî gihîşte 65 hezar û 111 kesan.

Wezîrê Tenduristîya Tirkîyê herwiha got: Li Istenbolê sedî 59.5’ê pişka lêşarbûnên taybet a nexweşxana tijî bûye. Li hin nexweşxanan ew asta giheştîye sedî 80 heta sedî 90’ê jî. Em amarên rastî û zelal didin ber destê raya giştî.