Wezîrê Tendirustiyê yê Tirkiyê Fexredîn Koca ragihand, di 24 saetên derbasbûyî de 98 kesên din bi sedema vîrûsa koronayê jiyana xwe ji dest dane û bi vê yekê hejmara qurbaniyên koronayê li Tirkiyê gihîşt 1,296 kesan.

Fexredîn Koca îro amarên nû yên tûşbûn û mirina bi sedema koronayê li Tirkiyê  aşkere kir.

Koca ragihand: “Di 24 saetên bihorî de 34 hezar û 456 pişkinîn hatine kirin, 4 hezar û 93 tûşbûyên koronayê hatine tomarkirin û 98 kesan jî canê xwe ji dest dane.”

Bi gotina Fexredîn Koca, “hejmara kesên ku heta niha li Tirkiyê bi sedema pêketina bi COVID-19 jiyana xwe ji dest dane, gihîştiye 1,296 kesan û hejmara gitşî ya pêketiyên vîrusê jî bo 61 hezar û 49 kesan bilind bûye.”

Wezîrê Tendirustiyê yê Tirkiyê herwiha diyar kir, ji duh ve heta îro 511 nexweşyên koronayê jî baş bûne û bi vê hejmarê re hejmara kesên ku ji destpêkê ve heta niha baş bûne, gihîşte 3 hezar û 957 kesan.

Li Tirkiyê roja 11ê Adarê yekem haleta tûşbûna bi vîrûsaa Koronayê hatibû ragihandin.