Wezîrê Tendirustiyê yê Tirkiyê Fahrettin Koca roja Yekşemiyê ragihand, di 24 demjimêrên derbasbûyî de 97 kesên din bi sedema Vîrusa Koronayê jiyana xwe ji dest dane û bi vê yekê hejmara qurbaniyên Vîrusa Koronayê li Tirkiyê gihîşt 1,198 kesan.

Fahrettin Koca duh amarên nû yên tûşbûn û mirina bi sedema Vîrusa Koronayê li Tirkiyê aşkere kir.

Koca ragihand: “Di 24 demjimêrên bihorî de 35 hezar û 720 pişkinîn hatine kirin, 4 hezar û 789 tûşbûyiyên Vîrusa Koronayê hatine tomarkirin û 97 kesan jî canê xwe ji dest dane.”

Bi gotina Fahrettin Koca, “Hejmara kesên ku heta niha li Tirkiyê bi sedema pêketina bi COVID-19'ê jiyana xwe ji dest dane, gihîştiye 1,198 kesan û hejmara gitşî ya tûşbûyiyên bi Vîrusa Koronayê jî gihîştiye 56,956 kesî.”

Wezîrê Tendirustiyê yê Tirkiyê herwiha diyar kir, ji duh ve heta îro 481 nexweşyên koronayê jî baş bûne û bi vê hejmarê re hejmara kesên ku ji destpêkê ve heta niha baş bûne, gihîştiye 3 hezar û 446 kesî

Li Tirkiyê roja 11ê Adarê yekem haleta tûşbûna bi koronayê hatibû ragihandin.