Serokomarên Rûsiye û Tirkiyê ji kêmkirina kêşeyê li parêzgeha Idliba Sûriyê pêşwazî kirin û soz dan ku hevkariyên jibo misogerkirina agirbesa mayînde bidomînin.

Li gorî rapora rojnama Ray El-Yewmê, Koşka Krêmlînê ragihand ku Vladîmîr Pûtîn serokoamrê Rûsiyê û Receb Teyib Erdogan serokomarê Tirkiyê di gotûbêja telefonî  pesna kêmbûna berbiçav a kêşe û pevçûnan li navçeya kêmkirina kêşeyan a Idlibê li bakurê Sûriyê dan.Krêmlînê bi weşandina daxuyaniyekê piştî vê gotûbêjê ragihand ku du aliyan soz dane ku hevkariyên xwe jibo misogerkirina serêxwegirtina agirbesa mayînde û xurtkirina aramiya Sûriyê bidomînin. Erdoxan û Pûtîn heftiya berê li Moskovayê derbarê agirbesa li Idlibê li hev kirin.