Sarûxan Olçû, Serokê Fraksiyona HDP'ê li Parlimana Tirkiyê di axaftinekê da tevî rexneya ji lidarxistina civîna nihênî ya Parlimana Tirkiyê jibo hilkolandina qeyrana Idlibê, got: Desthilatdariya siyasî rastiyên Idlibê ji gel vedişêre

Li gorî rapora Kurd Pressê, Sarûxan Olçû, Serokê Fraksiyona HDP'ê li Parlimana Tirkiyê di axaftinekê da tevî rexneya ji lidarxistina civîna nihênî ya Parlimana Tirkiyê jibo hilkolandina qeyrana Idlibê, got: "Tevahiya ew tiştên ku Pûtîn û Trump dizanin, hûn çima ji gelê Tirkiyê vedişêrin? Çima hûn meseleya Idlibê dewsa li ber raya giştî, li paş deriyên girtî hildikolînin? We hîç hincetek jibo vî karî tuneye. Lidarxistina civîna nihênî bi wateya veşartina rastiyên Idlibê ji gel e."

Li gorî nivîsîna ajansa Mezopotamyayê, Olcû her wiha got: "Aniha kiryara ku divê pêk bê, zexta li ser desthilatdariya siyasî jibo guhertina siyasetên xwe ye. Şaşitiyên desthilatdariya siyasî divê bi aşkiratî di civînên aşkira û gelemperî da bên hilkolandin."