Berdevkê koma nasyar bi Artêşa Netewî ya Lîbîyê li hemberî Serokomarê Tirkîyê ku got leşkerên vî welatî li Lîbîyê ne bertek nîşan da û Enqere sedema demdirêjbûna qeyrana Lîbîyê zanî.

General Ehmed Mismarî Berdevkê koma nasyar bi Artêşa Netewî ya Lîbîyê got: Mukurhatina Receb Teyîb Erdogan Serokomarê Tirkîyê derheq şandina leşkerên xwe bo Lîbîyê rola Enqerê di warê piştgirîya ji têrorîsmê û demdirêjkirina qeyrana vî welatî nîşan dide.

Receb Teyîb Erdogan Serokomarê Tirkîyê duh jibo cara yekem piştrast kir ku hejmarek çekdarên qaşo Artêşa Netewî ya Sûrîyê şandine Lîbîyê û bilî wan, hejmarek leşekrên Tirkîyê jibo raberkirina perwerdeya leşkerî şandine Lîbîyê. 

Wî pêgirî kir: Dewleta Faiz Sirac tiştek ji xwe tineye û fermanên Tirkîye, Qeter û milîtanan cih tîne. Artêşa Netewî ya Lîbîyê dê hîç rêkevtinameyeke agirbesê berî vekişîna kirêgirtî û hêzên Tirkîyê ji axa Lîbîyê wajo neke.

Xelîfe Hefter Fermandeyê hêzên nasyar bi Artêşa Netewî ya Lîbîyê jî duh ragihand: Em jibo agirbesê li Lîbîyê amade ne, bi mercê ku hêzên Tirkîyê û kirêgirtî vekişin.