Serokê Dewleta Tifaqa Netewî ya Lîbêyê Faiz Sirac şeva buhurî li Istenbolê bi Serokomarê Tirkîyê Receb Teyîb Erdogîn re civîya.

Hevdîtina Sirac û Erdogîn bêyî pişikdarkirina nûçegîhanan û li pişt derîyên girêdayî pêk hat.

Eva duyemîn seredana Faiz Sirac bo Tirkîyê û hevdîtina wî digel Erdogîn di kêmtir ji 2 mehên buhurî de ye.

Tirkîye vê dawîyê bi awayekî ciddî tevlî dosîya Lîbîyê bûye û himberî koma nasyar bi Artêşa Netewî ya Lîbîyê bi fermandetîya Xelîfe Hefter pişta delweta Faiz Sirac digire.

Serokê Dewleta Tifaqa Netewî ya Lîbêyê Faiz Sirac û Serokomarê Tirkîyê Receb Teyîb Erdogîn di 27`ê Mijdara sala buhurî de jî 2 liyêkgiheştinamên hevkarîya di warên ewlehî û deryayî de wajo kirin ta ku Enqere bikare gazê li deryaya Medîteranê peyda bike û derxe. Ev yeka bû sedema nerehetîya Misr, Qibris, Yûnan û general Xelîfe Hefter Fermandeyê koma nasyar bi Artêşa Netewî ya Lîbîyê. 

Tirkîyê herwiha di çarçova piştgirîya ji Dewleta Tifaqa Netewî ya Lîbêyê de çend hezar çete û milîsên li Sûrîyê şandine Lîbîyê.