Wezîrê Karên Derve yê Tirkiyê Mewlut Çavuşoglu ragihand ku nerînên cuda yên ‎derbarê Sûriyê de bandorê li peywendiyên Tirkiye-Rûsyayê nakin û got:''Rewşa li Idlibê bandorê li ‎rêkeftinama S-400'ê nake.''‎

Wezîrê Karên Derve yê Tirkiyê Mewlut Çavuşoglu di çarçoveya Konferansa Ewlehîyê ya Monîxê de ligel Wezîrê Karên Derve yê Rûsyayê Sergey Lavrov civiya.

Çavuşoglu piştî wê civînê got: “Divê aloziya li navçeya ‎Idliba Sûriyê û nerînên cuda yên derbarê vê mijarê de ligel Rûsyayê, ‎bandorê li rêkeftinama kirîna sîstema ‎berevaniyê ya S-400'ê nekin."‎

Li ser pirsa rojnamevanan gelo aloziya li Idlibê bandorê li rêkeftinama kirîna S-400'ê dike, Çavuşoglu got: ‎‎"Na, ev du mijarên cuda ne."

Çavuşoglu da zanîn ku Tirkiye ligel ti welatekî ji ber nakokiyekê prensîp û ‎siyaseta xwe naguherîne û got: "Divê rê neyê dayîn ku pirsgirêka Sûriyê peywendiyên navbera herdu ‎welatan têk bide, ji ber vê yekê em bi hev re kar dikin."‎

Wezîrê Karên Derve yê Ûrsêtê Sergey lavrov jî dîyar kir: Peywendîyên Moskow-Enqerê baş in lê merc nîne ku em liser hemû babetan hevdeng bin û lihev bikin û berjewendîyên me li Sûrîyê me naxin rex Tirkîyê.