Serokê Yekitîya Ciwanên Tirkîyê di peyamekê de pêşfirotina pirtûka nû ya Hevserokê berê yê HDP Selahedîn Demirtaş ji hêla Malpera Şaredarîya Istenbolê va bi tundî rexne kir û got: Em Şaredarîya Istenbolê hişyar dikin ku firotina pirtûkên Demirtaş rawestîne.

Yildirim Gencer Serokê Yekitîya Ciwanên Tirkîyê di peyamekê de bo ŞAredarê Istenbolê got: Şaredarê metropola Istenbolê nikare desta ji evîna Demirtaş bikişîne. Wî herwiha got: Nabe imkanên dewletê jibo firotin û weşandina pirtûka kesê ku berdevktîya PKK dikir, werin bikaranînê.

Hevserokê berê yê HDP Selahedîn Demirtaş ku zîndanî ye, heta nika 3 pirtûk weşandine ku ya herînû bi navê Leylan e û çend rojan berî nika hat weşandinê.

Vê dawîyê herwiha şanoyek ser bingeha yek ji pirtûkên Demirtaş li Tirkîyê hat pêşkêşkirin ku pêrgî berteka tund a Serokomarê Tirkîyê Receb teyîb Erdogan bû û Erdogîn kesên çûbûn temaşekirina wê bi tundî rexne kirin.