Cîgirê Serokomarê Tirkîyê ragihand ku bi hegera metirsîya ser ewlehîya niştîmanî, hikûmeta Tirkîyê izna karkirina 685 Rojnamevanan ibtal kirîye û ev yeka bûye sedema nerazîbûna sazî û dezgehên piştgirîya ji mafên Rojnamevanan.

Ligorî rapora Malpera Xendanê, Cîgirê Serokomarê Tirkîyê Fuad Oktay got ku sala buhurî piştî ku sîstema sîyasî ya wî welatî ji Parlimanîyê veguherî Serokatîyê, pişka peywendîyan a Serokomartîya Tirkîyê izna karkirina hejmareke Rojnamevanên ku xetera wan jibo ewlehîya niştîmanî hebû, ibtal kir. Ew biryara herwiha jibo girtina rê li ber karkirina bi izinnama sexte hat dayînê. 

Wî herwiha got: Pişka peywendîyan a Serokomartîya Tirkîyê di vê midehê da izna karkirinê daye nûçegîhanb û nunerên 343 sazî û dezgehên ragihandinê li seranserî welêt.

Ji hêla din ve, Nunerê Sazîya Navnetewî ya Efûyê ew karê Tirkîyê zordayîna ser mêdyayan bi nav kir û kempêyneke berhevkirina wajoyan jibo azadkirina Rojnamevan Ehmed Altan destpê kir ku eva 3 sal in bi heceta piştgirîya ji koma têrorîst hatîye girtinê.