Komîsaryaya Civata Mafên Mirovan a Ewrûpayê hikûmeta Tirkîyê ji ber sîyaseta têkildarî azadîya raderbirrînê dide ber rexneyan û radigihîne ku Tirkîye azadîya raderbirrînê binpê dike.

Komîsera Civata Mafên Mirovan a Ewrûpayê Dunya Mîyatovîç herwiha got ku qanûnên têkildarî Internetê û bikaranîna malperan li Tirkîyê bi awayekî rasterast binpêkirina azadîya raderbirrîn û rojnamevanîyê ne.

Mîyatovîçê basa girêdana hejmareke malper û şebekeyên civakî ji hêla desthilatdarên Tirkîyê va kir û û ew rêkara "rewşeke gellek giran" wesif kir.

Mîyatovîçê herwiha got: "Ev rewşa ji alîyekî va nîşaneya pirsgirêkeke gelekî kûr e ku alîyên têkildar ên Tirkîyê ji ber wê dinalin û vê yekê digihîne ku wan nekarîne xwe digel qanûnên Ewrûpayê di çarçova Civata Mafên Mirovan de biguncînin û ji hêla din ve asêbûn, lawazî û sistîya alîyê qanûndaner li Tirkîyê di warê tijîkirina cihê wan valatîyana nîşan dide."

Ligorî rapora Navenda Navnetewî ya Rojnamevanîyê, zêdetir ji 120 rojnamevan di zindanên Tirkîyê da hepsî ne ku asta herîjorîn li cîhanê de ye û mêdyayan di derbeya serneketî ya sala 2016`an de paşda vekişîyan û rola xwe cih neanîn.

Ligorî rêzebendîya Sazîya Rojnamevanên Bêsînor têkildarî azadîya rojnamevanîyê, Tirkîye ji nav 180 welatên cîhanê di rêza 157`ê da ye ku ev yeka nîşan dide Tirkîye yek ji xirabtirîn welatên cîhanê jibo rojnamevanan e.

Di encama opêrasyona herîdawîyê ya polîsên Enqerê dijî rojnamevanan de ku di 18`ê vê mehê de hat lidarxistinê, 2 rojnamevan û 11 çalakên Kurd bi tawana ``têrorê`` hatin girtinê.