Wezareta Karên Derve ya Tirkîyê vê sibê biryara Meclisa Parlimanteran a Amerîkayê ya sepandina boykotan ser wî welatî da şermezar kir.

Wezareta Karên Derve ya Tirkîyê herwiha biryara Meclisa Parlimanterên Amerîkayê ya bifermînaskirina kuştina ermenîyan bi destê Osmanîyan a di sala 1915`ê de weke ``komkujî``, şermezar kir û ragihand ku ew yeka nayê qebûlkirinê.

Meclisa Parlimanteran a Amerîkayê di dengwergirtinekê de kuştina ermenîyan bi destê impiratorîya Osmanîyan di sala 1915`ê de weke ''komkujî'' bi fermî nas kir.

Biryarnama bifermînaskirina kuştina ermenîyan bi destê Osmanîyan li Meclisa Parlimanterên Amerîkayê de bi 305 dengên Erê himberî 3 dengên Na hat pejirandinê.

Ligorî hin belgeyan nêzîkî milyonek û 500 hezar ermenî di dawîya impiratorîya Osmanîyandi sala 1915`ê de li Tirkîyê hatine qirrkirinê.