Wezareta Karên Derve ya Tirkîyê di daxûyanîyekê de himberî daxûyanîya Wezareta Karên Derve ya Amerîkayê ku têde welatîyên amerîkî derheq seredana bo deverên rojhilat û başûra rojhilata Tirkîyê hişyar kirine, bertek nîşan da.

Di daxûyanîya Wezareta Karên Derve ya Tirkîyê de hatîye: Idiayên Wezareta Karên Derve ya Amerîkayê derbarê rewşa ewlehî ya deverên rojhilat û başûra rojhilata Tikrîyê de, rastîyê nîşan nadin.

Wezareta Karên Derve ya Amerîkayê vê dawîyê welatîyên amerîkî hişyar kiribûn ku ji ber meseleya têrorîsmê û girtinên bêheger li Tirkîyê seredana deverên rojhilat û başûra rojhilata Tirkîyê nekin.