Serdozgeriya Komarê ya Enqerê, biryara azadkirina Hevserokê Berê yê HDPê Selahattin ‎Demirtaş îtîraz kir. Dê dadgeha bilind vê nerazîbûnê binirxîne.‎

Serdozgeriya Komarê ya Enqerê, derbarê biryara 19÷emîn Dadgeha Cezayên Giran a Enqerê de ‎nerazîbûna xwe nîşan da, ku duh Duşemê ji doza serekî biryara azadkirina Hevserokê Berê yê HDP`ê Selahattin ‎Demirtaş dabû.‎

Lê ji ber ku Demirtaş têkildarî dozeke din 4 sal û 8 meh ceza danê, yekser nehat azadkirin. ‎Parêzerên wî dest bi amadekarina daxwaznameyê kiribûn daku 2 sal û 10 mehên di girtîgehê de ‎ji Demirtaş re bên hesabkirin û were azadkirin. ‎

Lê Serdozgeriya Enqerê îro Sêşemê derbarê biryarê de îtîraz kir. Dadgeha Bilind yê wê nerazîbûna dozgeriyê binirxîne.

Dozgeriyê nerazîbûna xwe bi du sideman ve girêdaye. Yekem, ji ber Demîrtaş bi ‎tawanê dijî pergala destûrê tê muhakimekirinê û duyem jî li gor cezayê endambûna rêxistinê, girtin ‎wek tedbîrekê hatiye dîtin.‎