Li herêmên kurdan li Tirkiyê ser fermana dozgerê Komarê, di çarçîva dosiya ``Terorê`` de şaredariyên Nisêbîn a Mêrdînê û Bismil a Amedê hatin desteserkirin.‎

Li gor medya Tirkiyê,duh Çarşemê danê sibê li gor hikmê dozgerê komarê ya bi heceta dosiya ``Terorê`` hêzên ewlekariyê yên Tirkiyê di operasyonekê de li bajarokên ‎Nisêbîn û Qoserê bi ser çend navnîşanan de girtin.‎

Di operasyonê de, Hevserokê Şaredariya Nisêbînê Ferhat Kut, Endamê Encûmena Şaredariyê ‎Mehmet Emîn Alkan û Hevseroka Rêxistina Partiya Herêmên Demokratîk (DBP) a Nisêbînê Leyla ‎Bozkurt hatin desteserkirin.

‎Di çarçoveya operasyonê de polîsan bi ser baregahê rêxistina HDPê ya Nisêbînê de jî girtin. 

Li aliyê din li ‎Taxa Bagcilar a bajarokê Rezan a Amedê jî polîsan bi ser mala Hevseroka Şaredariya Bismilê, Gulşen ‎Ozer de girtin û ew jî desteser kirin.

Polîsê Tirkiyê li vê barê tu agehdariyek belav nekiriye.