Nûnerê Amerîkayê li karên Sûriyê James Jeffrey û Wezîrê Berevaniya Tirkiyê Hulusi Akar ser rewşa Sûriyê û pêkanîna devera ewleh li bakura vî welatî gotûbêj kirin.

Ajansa Nûçeyan a Fras Newsê da xuyakirin, Jamef Jeffrey piştî hevdîtinên bi rayedarên Wezareta Derve ya Tirkiyê re, çû Wezareta Berevanî ya Tirkiyê û bi Wezîrê Berevanî Hulusî Akar re ser rewşa Sûriyê û pêkanîna devera ewleh li bakura vî welatî gotûbêj kirin..

Hat destnîşankirin, di rojeva aliyan de Herêma Ewle, krîza Sûriyê, pêşhatên dawî yên Îdlibê, komîteya destûrê û amadekariyên Tirkiyê bo êrişa ser Rojhelata Firatê û kurdên Sûriyê hene. Tirkiye ji Amerîkayê dixwaze,  pabendî nexşerêya Minbicê bimîn e û kontrola herêma Ewle jî, radestî Tirkiyê bike.

Wezareta Berevaniyê ya Tirkiyê ragihand ku Akar û Jeffrey civiyane û di civînê li ser wê ‎yekê lihev kirine ku xebatên şandên leşkerî yên herdu welatan derbarê “Devera Aram” de sibê li ‎Wezareta Derve ya Berevaniyê berdewam bikin.‎

Di daxuyaniya Wezareta Berevaniyê de tê gotin ku Akar nerehetiya welatê xwe derbarê hevdîtinên ‎rayedarên bilind ên Amerîkayê li Sûriyê ligel berpirsên PYD û HSDê gihandiye şanda Amerîkî.