48 koçber li parêzgeha Çanaq Qeleyê ya Tirkiyê hatin girtin.

Li gorî rapora roja Duşemiyê ya Tasnim Newsê ji zarê medyayên Tirkiyê, 11 kes ji van koçberên girtî ji welatiyên Efxanistanê û yên din welatiyên Sûriye û Iraqê ne.

Tê gotin ku tevahiya kesên ku hatine girtin, dê ji Tirkiyê bên dersînorkirin.

Beriya vêya Wezareta karên hundir a Tirkiyê hin agahî li bara girtina 79 hezar koçberên neqanûnî ji welatên cûrbicûr di heyama Çile heta Nîsana 2019an de weşandibû.

Perravên Tirkiyê li Deryaya Sipî û bi taybet Deryaya Êjeyê navbera Tirkiye û Yewnanê ji riyên deryayî yên veguhestina penaxwazan û ji riyên neqanûnî û bi talûke yên koçberan ber bi Ewropa û Yewnanê ne.

Veguhestina koçberan ber bi Ewropayê ji riya deryayê ve bi bikaranîna qayîq û amûrên ne-istandard pêk tê.