Bi hezaran Kurdên niştecihê Almanyayê bi xwenîşandanekê nerazîbûna xwe himberî opêrasyona leşkerî û êrişên Tirkîyê yên dijî Herêma Kurdistanê nîşan dan û xwestin ku ew opêrasyon bê sekinandinê.

Ligorî rapora Malpera Nûçan a Hawilatîyê, duh Şemîyê bi hezaran Kurdên niştecihê Almanyayê bi merema nîşandayîna nerazîbûna xwe himberî opêrasyon û êrişên bejayî û hewayî yên Tirkîyê dijî deverên xelknişîn ên Herêma Kurdistanê, xwenîşandanek li şarê Kolnê li dar xistin.

Xwenîşanderan di daxûyanîya dawîya vê nerazîbûnê da tevî şermezarkirina opêrasyona leşkerî ya Tirkîyê li Herêma Kurdistanê, xwestin ku ew opêrasyon û êrişên hewayî û bitopan ên ser deverên curbicur ên Herêma Kurdistanê bên sekinandinê.

Di encama opêrasyona Tirkîyê dijî PKK`ê li Herêma Kurdistana Iraqê da, gellek sivîl hatine kuştinê û birîndar bûne û herwiha zîyaneke berfire li zevî û milkê xelkê ketîye.