Dozgerîya Tirkîyê bi vekirina hin dosîyeyan, xwest ku Parêznama Dadwerîyê ya 25 parlimanterên Partîya Dêmokiratîk a Gelan (HDP) û Partîya Komarxwaz a Gel (CHP) were rakirinê.

Ligorî rapora Rojnama Yeni Bîrlikê, Dozgerîya Tirkîyê di dosîyeyên amadekirî da xwestîye ku Parêznama Dadwerîyê ya Serokê CHP`ê Kemal Kiliçdaroglu û Hevserokên HDP`ê were rakirinê.

Ligorî vê raporê, heta niha 608 dosîye ji alîyê dozgerîyên Tirkîyê ve jibo rakirina Parêznama Dadwerîyê ya hejmarek parlimanterên vî welatî hatine amadekirinê û raberî Parlimana Tirkîyê hatine kirinê.

Dozgerîyê di dosîyeyên hanê da xwestîye ku Parêznama Dadwerîyê ya 18 parlimanterên HDP`ê, 4 parlimanterên CHP`ê û parlimantereke Iyi Partîyê û 2 parlimanterên din were rakirinê.

Ligorî qanûnê, Serokê Meclisa Tirkîyê piştî hilkolandinê ew dosye jibo dengdanê û hilêxistina li Meclisê raberî Komsyona Dadperwerî û Destûra Bingehîn a vî welatî kirine.