Piştî biryara Komîsyona Hilbijartinan ya Tirkiyê li ser encamên hilbijartinên Stenbolê, nirxa diravê Tirkiyê li hember dolar bi awayekî berçav daket.

Komîsyona Hilbijartinan ya Tirkiyê duhî biryara betalkirina encamên hilbijartinên şaredariya Stebnolê da û ragihand, hilbijartin dê dîsa bên kirin.

Wê biryarê yekser bandor li bazarê û nirxa diravan jî kir. Beriya biryarê, nirxa her dolarekî 5.90-6 lîreyan bû lê piştî biryarê her dolarek bû 6.14 lîreyan.

Îro danê sibê jî nirxa lîreya Tirkiyê li hember dolarê Amerîkî, li gorî şeva borî hinekî bilind bû lê ji 6.10 daneket.