Li Tirkiyê, gengeşeyeka zêde li ser egera helweşandina Hevpeymaniya Cumhûr tê kirin. Berpirsên AKP`ê, paşeroja wê hevpeymaniyê bi encamên hilbijartinên şaredariya Stenbolê ve girê didin, ku CHPê bi piştevaniya dengên Kurd serkeftin bidest xistiye.

Rêkeftina li gel MHPê û pêkanîna hevpeymaniya Cumhûr bandor li ser siyseta AKP`ê hebû. Peywendiyên di navbera AKP û MHP`ê de derz lêketiye û egera helweşandina hevpeymaniya Cumhûr bûye mijareke germ a Tirkiye.

MHP`ê derbarê daxwaza Serokomarê Tirkiyê û Serokê Giştî yê AKP`ê Recebp Teyîb Erdogan bo pêkanîna  “Rêkeftina Tirkiye” nîgeran e. Ji aliyekî din ve, bi sedema hebûna dengoya sazkirina partiyek nû li Tirkiye , ji aliyê wan berpirsên pêşî yên AKP`ê ve, ku endamên damezrêner di nav de hene û rexneyên tund li siyaseta AKP`ê digirin, partiya Erdogan dixwaze siyaseta xwe biguhere.

Bi dawîbûna hevpeymaniya Cumhûrê, AKP`ê bi tena xwe nikare projeyasayên li partlamentoya wî welatî derbas bike, û pêwîstiya wê bi piştîvaniya partiyek din heye.