Li bajarê Stenbolê yê Tirkiyê, fermana girtina 210 fermandeyên pilebilind, efser û serbazên artêşa Tirkiyê hat dayîn.

Îro danê sibê hêzên asayiş û cendirme yên Tirkiyê li Stenbolê dest bi girtina wan fermande û efser û serbazan kirin ku fermana girtina wan bi tohmeta endamtiya rêxistina Gulen û beşdarî di kûdetaya leşkerî ya havîna 2016 de, hatiye dayîn.

Hejmara wan fermande û efser û serbazên ku fermana girtina wan hatiye dayîn, 210 kes in ku di nav wan de 5 general jî hene.

Dewleta AKPê û serokomarê Tirkiyê Receb Teyib Erdogan Fethullah Gulen wek sebebkar û pilankarê sereke yê darbeya şikber û bêencama a 15 Tîrmeha 2016` an dizane û ev derbeya ji xwe re kir derfet da ku dijberên xwe bi tawana endambûna di nav tevgera Gulen û desthebûna di nav Darbeyê de û herwiha bi tawana endambûna PKKê û piştgiriya ji wê bigire û wan bêxin zîndanan.

 Piştî darbeya 15 Tîrmeha 2016` an  zêde ji 50 hezar kes heya niha  bi tawana peywendiya bi cmaeta Gulen re li Tirkiyê hatine  girtin û nêzîkî 120 hezar kes jî  ji kar û şuxilên dewletî  li vî welatî hatine derxistin.