HSD êrişî ser çekdarên Tirkiyê kir
Ji duh êvarê ve heta niha li şeş bereyên derdora Minbicê şer di navbera HSD û mîlîtanên ser bi Tirkiyê ve berdewam e.
Hêzên Sûriya Demokratîk (HSD) îro ragihand ku 72 çekdarên ser bi Tirkiyê hatine kuştin.Hinek çavdêrên Sûrî dibêjin ku şer ne mumkin e nexşeya kontrola navçeyê biguherîne. Amerîkayê li navenda bajarê Kobanê baregeheke leşkerî ava kiriye û Tirkiye hewl dide li aliyê rojavayê Çemê Firatê li nêzîkî Pira Qereqozaqê baregeheke leşkerî çê bike.Ji ber vê yekê cudakirina hêlên navbera hêzên Tirkiyê û Amerîkayê diyar e.
Rewangeha Mafên Mirovan ya Sûriyê jî ragihandiye şer û pevçûn li başûr û rojhilatê Minbicê berdewam in û hêzên Tirkiyê li wê deverê bi xwefir û topxana giran dikin armanc.
Ji aliyê din ve, nakokî li navçeyên din ên Sûriyê berdewam in û Rêjîma Siyonîst êrişên xwe li Sûriyê didomîne û di dewra nû ya êrişên xwe yên destdirêjkirane de êrişî fabrîqeyên pîşesaziya berevaniyê li parêzgeha Helebê û navendeke leşkerî li Rîfa Şamê kirin.
Artêşa Lubnanê di daxuyaniyekê de derbarê pavçûna ser sînorê di navbera Lubnan û Sûriyê de agahî da û amaje bi wê yekê kir di encama gulebarana komên çekdar ên Sûriyê de, leşkerekî artêşa Lubnanê birîndar bûye.
Her wiha Wezîrên Derve yên Fransa û Almanyayê Jan Noel Baro û Analêna Baêrbok îro Înê giheştin Şamê ku li gel berpirsên Tîma îdarekirina Sûriyê re hevdîtinê pêk bînin û bi Ebû Mihemed El-Colanî, fermandê şanda Tehrîr el-Şam ra hevdîtin pêk anîn.
Wezîrê derve yê Fransayê piştî hevdîtina xwe gotiye: Fransa terorîzmê li Sûriyê qebûl nake û ji kurdan xwest ku çekên xwe radest bikin û tevlî demajoya jiyana siyasî. ya vî welatî bibin.
