Ji ber Nexweşiya Kolêrayê 100 kes li bakur-rojavayê Sûrîyê mirine
Rêxistina Cîhanî ya Tenduristîyê û Nivîsgeha Rêkxistina Karên Mirovî ya Rêxistina Neteweyên Yekbûyî (NY) ragihandin ku 100 kes di encama tûşbûna bi nexweşiya Kolêra anku Webayê da li bakur-rojavayê Sûrîyê mirine.
Rêxistina Cîhanî ya Tenduristîyê û Nivîsgeha Rêkxistina Karên Mirovî ya NY’yê ragihandin: “Ji destpêka belavbûna Kolêrayê di meha Tebaxa buhurî va, 100 kes di encama tûşbûna bi Kolêrayê da li bakur-rojavayê Sûrîyê mirine.”
Rêxistina Cîhanî ya Tenduristîyê û Nivîsgeha Rêkxistina Karên Mirovî ya NY’yê herwiha ragihandin: “Zêde ji 77 hezar haletên biguman ên tûşbûna bi Kolêrayê li 14 parêzgehên Sûrîyê hatin tomarkirin ku pirranî li bakur-rojavayê Sûrîyê ne ku di bin kontrola komên çekdar ên dijî hikûmetê da ye.”
Beşeke berfire ya bakurê Sûrîyê nika di bin dagirkerîya artêşa Tirkîyê û komên çekdar ên di bin sîya Enqereyê da ye û artêşa Tirkîyê ev çend meh in av ser gellek deverên bakurê Sûrîyê da birrîye û ji ber vê yekê nexweşîya Kolêrayê li wê herêmê berbelav bûye.
