Li Bakur û Rojhilatê Sûriyê 73 kesên din bi Koronayê ketin
Desteya Tendirustiyê ya Desthilata Bakur û Rojhilatê Sûriyê amarên nû yên Koronayê ragihandin.
Desteya Tendirustiyê ya Desthilata Bakur û Rojhilatê Sûriyê ragihand, 73 kes bi vîrûsa Koronayê (Covid-19) ketin.
Hevserokê Desteya Tenduristiya Desthilata Bakur û Rojhilatê Sûriyê Dr. Ciwan Mistefa amarên 24 demjimêrên borî yên Koronayê belav kirin û ragihand, 73 kes bi vîrûsa Koronayê ketine, ji wan 14 kes li Hesekê, 16 kes li Qamişlo, 10 kes li Dêrikê, 2 kes li Amûdê, 25 kes li Reqayê, 4 kes li Şehbayê, 1 kes li Dêrazorê û 1 kes li kampa Holê ne.
Dr. Ciwan Mistefa diyar kir jî, di 24 demjimêrên borî de 2 kes ji vê vîrusê baş bûne.
Bi vî awayî, hejmara kesên li Bakur û Rojhilatê Sûriyê wek hilgirên vîrûsa Koronayê hatine tomarkirin gihiştiye 17672 kesan, ji wan 717 kesan jî canê xwe ji dest dane û 1778 kes ji wê nexweşiyê baş bûne.
