Sîstema berevaniya asmanî ya Sûriyê li derdora Şamê çend mûşekên Rejîma Siyonîstî ji nav birine
Çavkaniyên nûçeyan ên Sûrî ragihandin ku sîstema berevaniya asmanî ya artêşa Sûriyê rûbirûyê êrîşa mûşekî ya Rejîma Îsrailê bû û çendîn mûşekên vê rejîmê ku ber bi Şamê avêtibûn ji nav birin.
Hêzên asmanî yên Îsraîlê nîvê şeva derbasbûyî êrişî herêmên derdora Şama paytexta Sûriyê kirin.
Li gor ajansa SANA ya fermî ya hikûmeta Sûriyê, nîvê şeva derbasbûyî derdora saet 01, sîstemên berevaniya asmanî yên artêşa Sûriyê rûbirûyê êrîşeke asmanî ya hêzên Îsrailî bûne.
Ajansa navborî diyar kir ku êrîş bi mûşekan bo ser derdora Şama paytext hatiye kirin û sîstemên berevaniyê piraniya wan mûşekan berî ku bigihjin armancên xwe jinav birine.
Çavkaniyeke serbazî ji SANA re aşkere kiriye ku di encama êrîşê de 4 serbazên Sûrî birîndar bûne û hin zirar û ziyanên maddî jî çêbûne.
