Zêrevana Mafên Merivan a Sûrîyê idia kir ku ji dema dagirkirina herêma kurdnişîn a Efrînê bi destê Tirkîyê di sala 2018ê va, beşeke zêde ya kurdên wî şarî aware bûne û 500 hezar erebên hawirde li dewsa wan hatine bicihkirin.

Zêrevana Mafên Merivan a Sûrîyê di raporekê da basa hewla sîstematîk a Tirkîyê ji bo guhertina demogirafîya herêma kurdnişîn a Efrînê bi alîkarîya çekdarên qaşoa Artêşa Azad a Sûrîyê li bakur-rojavaya Sûrîyê kir.

Zêrevana Mafên Merivan a Sûrîyê ku meqera wê li Londonê ye, di rapora xwe da ragihand ku ji dema dagirkirina herêma kurdnişîn a Efrînê bi destê Tirkîyê di sala 2018ê va, 500 hezar welatîyên sûrî yên niştecihê deverên din ên vî welatî ji wan ên Şam, Hums, Hema, Idlib, Reqqa, Dêrezor û Hesekê li seranserê herêma Efrînê bilî çend gundên devera Şêrawa hatine bicihkirin.

Zêrevana Mafên Merivan a Sûrîyê herwiha ragihand ku bi dehan hezar çekdar û serhildêr vê dawîyê li malên kurdên Efrînê hatine bicihkirin ji ber ku bi hezaran kurdan di encama êrişa Tirkîyê û çeteyên ser bi Enqerê ya di sala 2018ê da Efrîn terikandin û aware bûne.