Bakurê Sûriyê: Artêşa Tirkiyê û çeteyên girêdayî bi wê gundên Şera û Şehbayê topbaran dikin
Artêşa Tirkiyê û çeteyên girêdayî bi wê gundên Şera û Minix û balafirgeha Minixê topbaran dikin.
Li gorî rapora Hawar Newsê (ANHA), Artêşa Tirkiyê û çeteyên girêdayî bi wê gundên Keferanton, Elqemiyê û Merenazê yên navçeya Şera ya kantona Efrînê ya dagirkirî, balafirgeha Minix û gundê Minixê yên kantona Şehbayê bi dijwarî topbaran kirin.
Her wiha, Til Rifet û du gundên din ên Şehbayê tên topbarankirin.
Bajarokê Til Rifetê, gundên Bêlûniyê û Şêx Îsa yên Herêma Şehbayê ji aliyê Artêşa Tirkiyê û çeteyên girêdayî bi wê ve tên topbarankirin.
Artêşa Tirkiyê û çeteyên girêdayî bi wê bajarokê Til Rifetê, gundên Bêlûniyê û Şêx Îsa yên Şehbayê bi obus û moşekan topbaran dikin.
Ji ber topbaranê ziyanên madî gihaştin milkên welatiyan.
Ji aliyê din va Hawar Newsê nivîsiye ku: Artêşa Tirkiyê û çeteyên wê topan li gundên Eyn Îsayê dibarînin
Gundên Hîşe, Fatsa, Cehbel û rêya M4 yên dikevin rojavayê navçeya Eyn Îsa bi çekên giran ji aliyê Artêşa Tirkiyê û çeteyên girêdayî bi wê ve tên topbarankirin.
