SAHAR

Rêxistina Mafên Mirovan a Efrînê diyar kir ku çeteyên koma bi navê Sultan Murad beriya çend hefteyan jineke ji eşîra Umêrat a Ereb revand û piştre ew qetil kir.

Li gorî rapora ajansa nûçeyan a Hawar Newsê (ANHA), Rêxistina Mafên Mirovan a Efrîn-Sûriyê eşkere kir ku çeteyên koma bi navê Sultan Murad beriya 3 hefteyan welatiya bi navê Nadira Durmuş ji mala wê ya li Taxa Kevn a Efrînê revand. Çeteyan Nadira Durmuş bi îdiaya ku têkiliyên wê bi saziyên desthilata bakur û rojhilatê Sûriyê re heyne, revand.

Rêxistina Mafên Mirovan a Efrîn-Sûriyê diyar kir ku çeteyan Nadira Durmuş qetil kir û paşê cenazeyê wê avêt ser rêyeke nêzî navenda çeteyan a li Taxa Kevn a Efrînê.