SAHAR

Desteya Tenduristiyê ya Rêveberiya Xweser a Bakur û Rojhilatê Sûriyê îro ragihand ku 15 kesên din bi vîrusa koronayê (Covid-19) ketine û 12 kes jî baş bûne. 

Desteya Tenduristiyê ya Bakur û Rojhilatê Sûriyê îro bi daxuyaniyekê eşkere kir ku di 24 saetên dawîn de 15 kesên din bi vîrusa koronayê ketine û 12 kes jî baş bûne. Kesên pê ketine ji van herêman in: Hesekê: 3,  Tibespiyê: 4,  Dirbêsiyê: 1, Girkê Legê: 1,  Dêrikê: 3, Kobanê: 1 û Dêrazorê: 2

Hevserokê Desteya Tenduristiyê ya Rêveberiya Xweser a Bakur û Rojhilatê Sûriyê Dr. Ciwan Mistefa got 12 kesên bi vîrusê ketibûn di 24 saetên dawîn de jî, baş bûne.

Li Bakur û Rojhilatê Sûriyê hejmara giştî ya vîrusa koronayê gihaşt 624’an, jê 40 kes mirine û 158 baş bûne.