Serokê Parlimana Libnanê: Berî hikolandina çeka Berxwedanê, divê Rejîma Siyonîst ji axa Libnanê derkeve
Serokê Parlimana Libnanê got: Jiçekirina Hizbullahê berê paşvekişiyana Rejîma Siyonîst ji erdên Libnanê sedema nefretê ye û divê rejîma dagirkir derketina xwe destpê bike.
Nebîh Bêrî, serokê Parlimana Libnanê, wek berteka li hember daxwaza şandiyê Amerîkayê ya jiçekirina Hizbullahê got ku ew dixwezin wisan bi me re serederiyê bikin ku dibêqey em têk çûne. Serokê Parlimana Libnanê got: Divê rejîma dagirkir derketina ji Libnanê destpê bike, piştî wê em ê li ser çarenivîsa çekan, bi Hizbullahê re wekî mijareka navxweyî û bêyî ti zext û zorekê gotûbêj bikin.
Hevgavê viya Mehmûd Qematî, endamê Konseya Siyasî ya Hizbullahê got: Em di bin zextên herî giran de tenê gulleyekî jî radest nekin. Wî got: Hemû hevdeng in ku radestkirina çekên berxwedanê, xeyaneta li Libnan, niştîman, desthilatdarî û serxwebûna welêt e û helwêsta netewî qet wê di bin zextên herî giran ên navçeyî û navnetewî neguhere.
Terad Hemade, wezîrê berê yê kar û cotkariyê yê Libnanê jî got: Hikûmeta vî welatî li ser mijara jiçekirina berxwedanê, bila bi aqil tev bigere û ji biryarên ku di bin zextê de hatine dayîn, vekişe. Wî herwiha got: Berxwedan ji ber rastiyên siyasî yên Libnanê pêk hatye. Şêx Neyîm qasim, sersekreterê Hizbullaha Libnanê jî vê dawiyê wek nerizamendiya li hember pilanan hikûmeta vî welatîê ji bo jiçekirina Berxwedanê got: Hikûmeta Libnanê di halê xizmetkirina li Rejîma Siyonîst da ye. Eva di halekî da ye ku ku erka hikûmetê avakirina welêt e ne ku radestkirina wê li dijmin.
Hevgavê viya rojnameya libnanî ya El Ixbarê, pilana nû ya Amerîkayê dijî Hizbullaha Libnanê ji bo dorpêçkirina ji hêla ewlehî û aborî ya navçeya Zahiyeyê li başûrê Libnanê aşkera kir û nivîsî: Şehedî nîşan didin ku Libnan vegiheriye koloniyeka tam amerîkî û ya welatên ewrûpî ji ber ku para zêde ya saziyên wê yên fermî û ewlehiyê, fermanên welatên rojavayî ji bo cihanîna projeya kokbirkirina Berxwedanê cih tînin.
