Rayedarê siyonîst: Armanca êrişên ser Sûriyê hişyariya bo Tirkiyê ye
Berpirsekî pilebilind ê siyonîst got: Êrişên hewayî yên vê dawiyê ser hin çeperên nav Sûriyê ji xwe hişyariyekê bo Tirkiyê bûye.
Vî rayedarê siyonîst got: Îsraîl derbarê her pêngava Enqerê ji bo avakirina meqereke leşkerî li Sûriyê yan jî destwerdana di operasyonên leşkerî yên wê li esmanê vî welatî de hişyarî daye.
Wezareta Derve ya Sûriyê jî hevgav ragihand ku firokexaneya leşkerî ya Hemayê di êrîşên vê dawiyê yên artêşa Îsraîlê de hema hema bi temamî hatiye wêrankirin.
El-Meyadîn jî derbarê kuştina 21 kesî di encama êrişên esmanî yên Îsraîlê û êrişa leşkerî ya rejîmê ser parêzgeha Derayê li başûrê Sûriyê agahî da.
Çavkaniyên nûçeyan her wiha derbarê êrişa balafirên şer ên Rejîma Siyonîst ser Şamê, balafirxaneya T-4 a Humsê û balafirxaneya leşkerî ya Hemayê agahî dan.
Çavkaniyekî xwecihî jî ragihand ku şeva buhurî, piştî êrişa hêzên siyonîst ser bajarê Navî yê li taxa rojava ya Derayê, 11 kesên wî bajarî di dema rawestana li ber hêzên leşkerî de hatin kuştin.
Hin medyayên xwecihî ragihandine ku herî kêm 400 leşkerên Îsraîlî derbasî parêzgeha Derayê bûne.
Rêvebirên nû yên Şamê bi serkêşiya Colanî heta niha li hember êrişên dubare yên artêşa dagîrker a Israîlê ser Sûriyê bêdeng mane û lewma li piraniya navçeyên Sûriyê xelkê xwecihî li himberî êrişên siyonîstan radiwestin û di vê derbarê de mizgeftên Derayê li Sûriyê jî bona rawestana li ber leşkerên Rejîma Siyonîst seferberiya giştî ragehandine.
