Dengvedana berfireh a oxirkirina termê şehîdên berxwedanê di medyayên cîhanê de
Beşdariya girseyî a gel di merasima oxirkirina meytê şehîd Seyîd Hesen Nesrullah bi awayekî berfireh di medyayên curbicur ên cîhanê de deng veda.
Hejmarek zêde ji welatiyên Lubnanî û alîgirên seyîdê Berxwedanê ji gelek welatên cîhanê duh bi beşdariya girseyî li merasima oxirkirina termê paqij ê Seyîd Hesen Nesrullah û Seyd Haşim Sefyedîn li Beyrûtê kom bûn ku rêzê li bîranîna şehîdên Berxwedana bigrin û bi lidarxistina merasimeke bi coş ewî oxir bikin. Di vê navberê de, mezinahî û berferehiya vê merasimê ji çavê medyaya cîhanî ve veşartî nema û bi awayekî berfireh hate rûmal kirin.
Televîzyon û Anasa Nûçeyan a Reutersê manşeta xwe derbarê bûyerê wiha danî: Bi dehan hezar kes di merasimeke bi coş da cenazeyê Seyîd Hesen Nesrullah oxir kirin û jêre şîndarî kirin.Associated Press ê jî ser beşdariya girseya alîgirên Seyîdên Berxwedanê tekez kir.
Tora televîzyonî ya Amerîkî CNN û El Cezîre, rojnameya Gardiyen û kanala France 24 û ajansên din ên nûçeyan bi zimanên curbecur wêneyên ala û sembolên Hizbullahê li Lubnanê û dirûşma yekgirtî ya, Ênna Enel Ehd yanê em ser soza xwe nin di destê alîgirên seyîdên berxwdanê bi zelalî nîşan dan.
Medyayên Rejîma siyonîst bi rûmalkirina merasima oxirkirina cenazeyên Seyîd Hesen Nesrullah û Şêx Haşim Sefyedîn ev merasim wek nîşandayîna qaweta Hizbullahê bi nav kirin û medyayên bi nav û deng ên Îsraîlî jî weşana zindî ya merasimê ji kanalên erebî di nûçeyên xwe de danîn .
Medyaya siyonîst a Times of Îsraîlê jî nivîsî: bi gereçavdêriyên balefirên cengî yên Îsraîlê li esman bi dehan hezar kesên beşdarê oxirkirina termê Hesen Nesrullah bi yek dengî duruşma mirin jibo Îsraîlê bilind kirin.
Yediot Ahronot li xwe mikur hatiye ku firîna balafirên şer ên artêşa Îsraîlê li esmanê Beyrûtê ti bandorek li ser amadebûna xelkê di merasimê de nekiriye. Vê medyaya siyonîstî ji bilî weşandina gelek wêneyên girseya gel bi ala û dirûşmên wan, weşana zindî ya televîzyona El-Meyadînê jî xiste nav nûçeyên xwe.
