Koalîsyona Erebistana Siûdî êrîşî Hudeyda Yemenê kir
Koalîsyona Siûdî herêmên parêzgeha Hudeyde ya Yemenê bi êrîşên hewayî, mûşekî û topan hedef girtin.
Ji Adara 2015`an heya niha ve, şerxwaziya Erebistana Siûdî û hevalbendên wê li Yemenê bûye sedema kuştin û birîndarbûna bi sedan hezar yemenî û awarebûna çar milyon kesên din.
Agirbesta ku li Swêdê di navbera şanda Sena û şanda Riyazê de hat girêdan2,18ê Kanûna 2018ê li parêzgeha Hudeyda li rojavayê Yemenê dest pê kir, lê hevpeymaniya siûdî her roj wê agirbestê binpê dike.
Li gorî rapora El-Mesire`ê, Odeya operasiyona artêşê û komîteyên gelanî yên Yemenê li parêzgeha Hudeydê li raporekê ragihand ku balafirên keşfê û sîxuriyê yên hevalbendiya siûdî li esmanê Al Cebeliye û herêma Heysê ketine dewriyeyê.
Ev raport amaje bi wê yekê jî dike ku êrîşên mûşekî yên hevpeymaniya siûdî li navçeyên curbicur ên parêzgeha Hudeydê berdewam in û topxaneyên hevpeymaniya siûdî jî navçeyên Heys û Cebeliyê li parêzgeha Hudeydê kirine armanc.
Çavkaniyên xwecihî ragihandin ku di encama êrişên topxaneyên hevpeymaniya siûdî li ser cihên niştecihbûnê li devera El-Cebeliyê 2 sivîl birîndar bûne.
