Tevgera Cîhada Îslamî pesna helwêsta Îranê derheq Filistînê da
Berdevkê Tevgera Cîhada Îslamî ya Filistînê sipasiya helwêsta Komara Îslamî ya Îranê ya piştevaniya ji gelê Filistînê û berxwedana wî kir.
Tariq Selmî, Berdevkê Tevgera Cîhada Îslamî ya Filistînê di gotûbêja taybet di gel IRAN Pressê da tekez kir: Peyama Rêberê mezin ê Înqilaba Îslamî bo El-Nexale hevdem, digel şerê "Yekîtiya Meydanan" di gel Rejîmam Siyonîst, tekezî li ser piştevaniya ji gelê Filistînê û alîkariya bo wî di rûbirûbûna digel Rejîma Siyonîst dike.
Berdevkê fermî yê Tevgera Cîhada Îslamî ya Filistînê ragihand: Îranê di çepera berevaniya ji gel û berxwedana Filistînê da rawestiyaye û li dijî planên istikbarî û siyonîstî-amerîkî disekine.
Tariq Selmî her wiha ji hemû welatên erebî û îslamî xwest ku helwêsta Komara Îslamî ya Îranê ya piştevaniya ji gelê Filistînê di warên manewî û madî da ji xwe ra bikin mînak.
Hezretê Ayetullah Xamineyî, Rêberê mezin ê Înqilaba Îslamî wek bersiva bo nameya Ziyad Nexale, Sekretrrê gişt ê Tevgera Cîhada Îslamî ya Filistînê, berxwedana bi mêrxasî ya Cîhada Îslamî sebeba xurtkirina cîgeha vê tevgerê di berxwedanê da û pûçkirina komploya Rejîma Siyonîst û têkbirina wê da zanîn û tevî tekeziya li ser pêwîstiya parastina yekparçetiya hemû komên filistînî, ragihand: Dijminê xesbker ber bi lawaziyê û Berxwedana Filistînê ber bi bihêzbûnê va ye.
