Wezareta Berevaniyê ya Tirkiyê di daxuyaniyekê de ragihand, duhî di êrişeke YPGê de du leşkerên wan li bakurê Sûriyê birîndar bûn, piştî ku ew ji bo nexweşxaneyê tên veguhestin, canê xwe ji dest didin.

Wezareta Berevaniyê ya Tirkiyê ragihand ku li navçeya Operasyona Pençe-Kîlîd li bakura Iraqê leşkerekî wan hatiye kuştin.

Li gor daxuyaniya Wezareta Berevaniyê ya Tirkiyê, ew leşkerê wan di encama teqîna bombeyekê de li navçeya Operasyona Pençe-Kîlîd li nav axa Herêma Kurdistanê hatiye kuştin.

Artêşa Tirkiyê ji 17ê Nîsana îsal ve operasyoneke nû li dijî PKKê bi navê Operasyona Pence-Kilîd dest pê kiriye ku heta niha berdewam e.

Operasyona Pence-Kilîd, navçeyên Metîna, Zap û Avaşîn-Basyanê yên di nav axa Herêma Kurdistanê de li xwe digire.