Wezîra Ragihandinê ya Lubnanê îstîfa kir
Piştî teqîna Sêşemê ya li paytexta Beyrûtê Wezîra Ragihandinê ya Lubnanê Manal Ebdul Samed îstîfa kir. Van rojên dawî gelek wekîlan jî îstîfaya xwe dabûn.
Wezîra Ragihandinê Manal Ebdul Samed piştî teqîna kujer û hilweşîner bû yekem wezîra ku îstîfa kir.
Wezîr Samed got, "Piştî teqîna mezin a li Beyrûtê min îstîfa xwe da. Wê wezîrê diyar kir, "Ez ji Lubnaniyan lêborîna xwe dixwazim, em ji daxwazên wan re nebûn bersiv."
Yek ji nîşaneya hêrsa ku her roj mezintir dibe ya li welêt daxuyaniya kardînal Beşar Raî ya ji Petrikxaneya Marunî bû. Raî xwest ku Yekşemê hikûmeta îstîfa bike û biçe hilbijartina giştî. Van rojên dawî gelek wekîlan îstîfa kir. Raî got, "Îstîfaya çend wekîl û wezîran têrê nake."
Şemiyê li Beyrûtê bi hezaran kes li dijî rêveberiyê ku ew bi gendelî û binpêkirinê sûcdar dikirin derketin kuçeyan. Gelek avahiyên wezaretê bûne hedefa çalakgeran.
Serokwezîr Hasan Dîab roja Şemiyê ji bo ku hêrsa gel deyne gotibû ew ê pêşniyara hilbijartinê bike.
